الاثنين، 3 مايو، 2010

التعود ......من سلسلة تيت

هو فعلا التعود هو شئ حلو و لا وحش ؟؟ تعالوا نشوف سوا ... مثلا الجواز !!!



كتير هايقولوا يعني ايه ؟ انا هاجوبكو يعني كتير من الناس بيتجوزوا بطرق تقليدية و الاهل ساعتها يقولو للعروسة : بكرة تتعودي عليه و يقولوا للعريس بكرة تتعود عليها .طيب بالذمة ده كلام ؟؟



هي اكلة و لا بلوزة هالبسها ؟؟طيب لو اكلة و اتعود ت عليها و بعدين زهقت منها مش هاكلها تاني .. و اما لو كانت بلوزة هارميها .امال لو جوزي بقى ؟؟


تفتكرو هاعمل ايه ؟ قال بيقولو الخلع عيب !!عيب ايه اما صحيح ناس تيييت.


و اللهي لو اتعودو و نجحوا يالا ربنا معاهم بس لو فشلوا ايه الحل ساعتها ؟؟و ساعتها بقة يا حلو .. غسلت سنانك بسيجنال2 النهاردة ؟





احم . احم ما علينا . آثار التلفزيون ، وبما إني وصلت للتلفزيون ، نتكلم عن تعود التلفزيون بقى : كتير بنشوف حاجات ما يعلم بيها الا ربنا لكن من كتر ما بتهاجمنا و بتجري ورانا ببيبقي خلاص اتعودنا عليها ..مثلا : قنبلة الموسم في التهييس الغنائي الفنان المشهور ( تيييت ) الي منضف سوق الكاسيت و منضف الذوق العام هذه الايام. انا مش عايزة اقولكم بجد مدي تطبيق نظرية التعود علي هذا الموضوع ، من كتر سماعي للاعلان .. لاقيت نفسي مرة بدندن جزء منه ، قولت يا خبر اما انا تيييت صحيح .




لمتابعت الموضوع اضغط علي اللينك دا




بقلم :- ريهام عبد المنعم

هناك 5 تعليقات:

salma يقول...

مقالك جميل جدا يا ريهام انتى بس مش مذيعة شاطرة وجميلة كمان صحفية ممتازة يا روما

غير معرف يقول...

انا بجد بحبك جدا يا روما وبجد انتى مذيعة زى العسل وكلامك فى المقال كله صح جدا

heba oraby يقول...

بجد ريهام موضوع التعود مهم علشان ناس كتيــــــر فاكره التعود دا حاجه سهله وبنسمع كلمه بكره تتعود دى كتير
انا بالنسبه ليا مش هاعمل حاجه واقول يالا بكره اتعود عليها لازم علشان اتعود عليها اكون بحبها, لكن حاجه مابحبهاش ازاى اتعود عليها.
وبعدين االانسان اللى بيتعود على حاجه مش قابلها هايجى يوم من الايام وهايسبها.

ريهام عبد المنعم يقول...

ميرسى ليكوا يا بنات يا قمرات وتابعوا ديما اللى جاى ان شاء الله يكون احلى وادعوا لى ديما

ريهام عبد المنعم يقول...

ميرسى ليكوا يا بنات يا قمرات وتابعوا ديما اللى جاى ان شاء الله يكون احلى وادعوا لى ديما